ཀ་རྩོམ།

ཀ་ཡེ་གསོན་ད་ལེགས་པའི་ཆོས་གྲོགས་རྣམས།།
ཁ་བརྒྱང་མ་བཞུགས་མི་ཚེ་ཉིད་ལམ་ནང་།།
ག་ར་མངལ་སྐྱེས་ལམ་ལས་མཐར་སོང་རུང་།།
 ང་བཅས་ཚུ་ལུ་འཆི་བའི་ལམ་སྒུག་ཡོད།།
                                                                              ཅ་ཟིང་མ་ཐབས་དོན་དག་ཆུང་ཀུ་ལུ།།
                                                    ཆ་རོགས་ཚུ་གིས་སླབ་པའི་བློ་ལ་གསོན།།
                                                    ཇ་ཆང་སྤྱོད་པའི་ལུགས་སྲོལ་ཡོད་རུང་ཡང་།།
                                                    ཉ་ཕག་བསད་ན་སྡིག་པའི་ལཱ་ཡིན་པས།།
ཏ་ཙ་དངུལ་གྱི་རྒྱུ་ནོར་མེད་རུང་ཡང་།།
ཐ་དང་དམ་ཚིག་རང་གི་སེམས་ལུ་བཞག།
ད་རེས་ལེགས་པའི་དུས་ལུ་མ་མཛད་ན།།
ན་པ་ག་འགྱོ་གུ་འགྱོ་ངེས་མེད་ཡིན།།
                                                    པ་ཏྲཱ་འདྲ་བའི་འདུ་ཤེས་སེམས་ལུ་བྲིས།།
                                                    ཕ་རྒྱུད་བུ་རྒྱུདའི་དུས་ཡང་སེམས་ཁར་བཞག།
                                                    བ་སྤུ་བཟུམ་ཀྱང་བྱ་བ་བཟང་པོ་འབདན།།                                                                          མ་བཤོལ་མཛད་ན་རང་ལུ་ཕན་པ་འོང་།།
ཙན་ལྡན་བཀོད་པའི་་ལྗོངས་ཁར་མི་ལུས་ཐོབ།།
ཚ་གྱང་ལང་པའི་གཞི་མེད་བསྐལ་བ་བཟང་།།
ཛམ་བྷ་ལའི་རྒྱུ་ནོར་མེད་རུང་དགའ།།
ཝ་ལམ་ཅན་ལུ་འདི་ནི་སྙིང་པོ་མེད།།
                                                 ཞན་སེམས་བསྐྱེད་ན་རང་གཞན་གཉིས་ལུ་གནོད།།
                                                 ཟ་ཁ་འཐུང་ཁ་ཅིག་གི་མི་བཏུབ་པས།།
                                                 འ་འུར་ཅ་ཟིང་མ་འཐབ་དུས་ཚོད་ལེན།།
                                                 ཡ་བྲལ་འགྱོ་བའི་ཤུལ་ལུ་བློ་འགྱོད་འོང་།།
རང་འབྱོར་ལྔ་ལྡན་མི་ལུས་ཐོབ་པའི་སྐབས།།
ལས་ལམ་བཟང་པོའི་ལས་ལ་བརྩོན་ན།།
ཤ་ཁྲག་གཉིས་པོ་ལུས་དང་ཡ་བྲལ་ཚེ།།
ས་སྟེང་འདི་ན་ལོག་སྟེ་མི་ལྷོདཔ་འོང་།།
                                              ཧ་ཧ་ཟེར་བའི་དགོད་སྒྲ་འཇུག་རུང་ཡང་།།
                                              ཨ་རྟག་འབད་སློང་མི་སྲིད་སེམས་ཁར་བཞག།
                                              ཧམ་པ་མ་བཤད་འདི་དང་ཆ་འདྲཝ་འབད།།
                                              ཨ་ལེན་འཇལ་བའི་ཆ་རོགས་མི་འཐོན་འོང་།།

                                                    
                                                  
(written on 02/08/2009 after xii standard.)